லினிக்ஸ் இயங்குதளம் முதன்முதலாக, சர்வர் முறையில் உபயோகத்தில் இருந்தது. தற்போது இது டெஸ்க்டாப் கம்ப்யுடேர்களிலும் பலராலும் உபயோகப்படுத்தும் ஒரு இயங்குதளமாக இருக்கிறது. ஆனால், கொஞ்சம் விவரம் தெரிந்தவர்களே இதை டெஸ்க்டாப் கம்ப்யூட்டரில் உபயோகிப்பது என்பது வழக்கத்தில் உள்ளது. ஏனென்றால், இந்த இயங்குதளத்தில் வேலை செய்யும் பலவிதமான மென்பொருட்களும் பரவலாக தனிமுயற்சியில் ஒருவரால், ஒரு வளரும் நிறுவனத்தால்,ஒருசிலரின் கூட்டு முயற்ச்சியில்தான்  அடிப்படையில் வெளியிடப்படுகிறது. இதனால், இதுபோன்ற மென்பொருட்களை இன்ஸ்டால் செய்யும்போது வரும் பிரச்சினைகளையும் நீங்கள் எதிர்கொள்ள வேண்டியிருக்கும். அடிக்கடி புதுப்புது வெளியீடுகளை தயாரிப்பாளர்கள் ரீலிஸ் செய்கிறார்களா, ஏற்கனவே பலராலும் தளவிறக்கம் செய்யப்பட்டுள்ளதா, இந்த மென்பொருள் தளத்தில் கருத்து பரிமாற்றம் வசதி இருக்கிறதா என்றெல்லாம் சோதித்து உங்களுக்கு வேண்டிய மென்பொருட்களை இன்ஸ்டால் செய்யுங்கள்.

சர்வர் என்றால், சர்விஸ் கொடுப்பவர் என்று அர்த்தம். என்ன சர்விஸ்? யார் கொடுப்பவர்? என்று பார்த்தால், எல்லாமே மென்பொருட்கள்தான். ஒரு சேவை, பலராலும் வேண்டப்பட்ட ஒன்று என்றால், அதை ஒரு சென்ட்ரல் இடத்தில் நிறுவி, எல்லோரும் அங்கு வந்து அதைப்பெறும்படி செய்வதே சிறந்தது அல்லவா? உதாரணத்திற்கு, வங்கி சேவையை எடுத்துக்கொண்டால், அது ஒரு இடத்தில் இருக்கிறது. நாம் எல்லோரும் அங்கு சென்று நமக்கு வேண்டிய சேவைகளை பெறுகிறோம். கணணியில் ஒரு சேவையை வழங்கும்போது, அதை ஒரு சென்ட்ரல் கம்ப்யூட்டரில் நிறுவி, எல்லோரும் அந்த கம்ப்யூட்டரில் இருந்து, பெறும்படி செய்வதற்கு சர்வர் என்று சொல்வார்கள். இதுபோன்ற சர்வீஸ்களை வழங்கும் கம்ப்யூட்டர்கள் சர்வர் என்று அழைக்கபடுகின்றன. ஒரு சேவையை வழங்கும் மென்பொருளையும் சர்வர் என்று அழைப்பதும் வழக்கத்தில் உள்ளது. உதாரணமாக, வெப்சர்வர், எப்டிபிசர்வர், இமெயில்சர்வர் என்று பல சர்வர் மென்பொருட்கள் உள்ளன.

இதுபோன்ற பல சர்வர்களை கொண்ட ஒரு பெரிய உலகளாவிய கம்ப்யூட்டர் நெட்வொர்க் இன்டர்நெட் என்று அழைக்கபடுகிறது. இப்படி சர்வீஸ்களை வழங்குவதில் என்ன ஆதாயம் என்றால், உலகளவில் நாம் சர்வீஸ்களை வழங்கமுடியும் மற்றும் தொழில் முதலீட்டையும் குறைக்கமுடியும். சென்ட்ரலாக மெயின்டெயிநென்ஸ் செய்வது சுலபம். புது சர்வீஸ்களை வழங்குவதும், விரைவில் பழுதுபார்த்து தடங்கலை தவிர்த்து, மீண்டும் அந்த சர்வீஸை இயக்கத்திற்கு கொண்டுவருவது எளிது, என பல காரணங்கள் சொல்லலாம்.

பலரும் அறிந்த சேவைகள்

1. வெப் சர்வர் – இது இணையதளம் அமைத்து வழங்க உதவும் ஒரு சேவை. இது ஒரு மென்பொருள். திறமூல உரிமத்தின் அடிப்படையில் வெளியிடப்படும் அப்பாச்சி உலகளவில் பிரசித்தம்.இந்த வெப்சர்வர் எல்லாவிதமான இயங்குதளத்தில் வேலை செய்யும் பெருமை வாய்ந்தது. இதேபோல், மைக்ரோசாப்ட் விண்டோஸ் இயங்குதளத்தின் வெப்சர்வர் ஐஐஎஸ் என்பது.

2. எப்டிபி சர்வர் – இது உங்கள் கணணியில் இருந்துகொண்டே, உலகின் மற்றோரு மூலையில் இருக்கும் ஒரு கணணியில், கோப்பு, அடைவு இவற்றை உருவாக்க, மாற்றி அமைக்க, பெயர் மாற்றம் செய்ய என, ஃபயில் மேனேஜ்மெண்டை செய்வதற்கு உபயோகிக்கும் ஒரு சர்வீஸ்.

3. மெயில் சர்வர் – இது உலகளவில் மின்னஞ்சல் பரிமாற்றம் செய்துகொள்ள உதவும் ஒரு சேவை.

4. டிஎன்எஸ் சர்வர் – இது ஒரு கம்ப்யூட்டர் நெட்வொர்க்கில் உள்ள கணணிகளை தம்தம் பெயர் கொண்டு அறிவதற்கு மற்றும் அணுகுவதற்கு உதவும் ஒரு சேவை. உண்மையில், ஒரு கம்ப்யூட்டர் நெட்வொர்க்கில் உள்ள எல்லா கணனிக்கும் தனிப்பட்ட ஒரு எண் இருக்கும். நாம் எல்லா கணணியையும் எண்களை கொண்டு அணுகுவது சிரமம் என்பதால், பொதுச்சேவை வழங்கும் கணணிக்கு, ஒரு பெயர் சூடப்படுவது வழக்கம். எல்லோரும் இந்த பெயரால், அந்த கணணியை அணுகுவது எளிது. ஏனென்றால், நமக்கு ஒரு பெயரை ஞாபகம் வைத்துக்கொள்வது மிகவும் சுலபம். இந்த பெயரை டொமைன் நேம் என்பர்.

5. ஃபயர்வால் சர்வர் – இது நமது நெட்வொர்க்கை பாதுகாக்க உபயோகிக்கும் ஒரு சர்வீஸ். நம் நெட்வொர்க்கில் இருந்து வெளி நெட்வொர்க்கை அனுகும்போதும், வெளி நெட்வொர்க்கில் இருந்து நம் நெட்வொர்க்கை அனுகும்போதும் என்னென்ன சட்டங்களை கையாளவேண்டும் என்று தீர்மானித்து அதற்கு தகுந்தாற்போல் தகவல் பரிமாற்றம் செய்ய வழிவகுக்கும் ஒரு சேவை. சுலபமாக சொன்னால், யார் என்ன செய்யலாம், செய்யக்கூடாது என்று கண்காணிக்கும் ஒரு விசுவாசி. நாம் வகுக்கும் சட்டதிட்டங்களுக்கு கட்டுப்பட்டு வேலை செய்யும்.

6. ப்ராக்ஸி சர்வர் – இது ஒருவருக்காக மற்றொருவர் போல, உருமாறி வேலை செய்யும் ஒரு சேவை. பொதுவாக, ஒரு பெரிய நிர்வாகத்தின், கம்ப்யூட்டர் நெட்வொர்க்கில் இருக்கும் அனைத்து கணணிகளும் இண்டர்நெட்டில் நேரடியாக இணைக்கப்பட்டு இருக்காது. இவ்வாறான சூழ்நிலையில், அந்த நிறுவனத்தின் நெட்வொர்க்கில் ஒரு கணணியில், இந்த சர்வீஸை நிறுவி, எல்லா கணணிகளும் இண்டர்நெட் சேவையை பெற வழிசெய்ய இந்த சர்வீஸ் உதவும். அதேபோல, இண்டர்நெட்டில் இருந்து, நம் நெட்வொர்க்கை அணுகவும் இந்த சேவை வழிசெய்யும்.

7. டிஹெச்ஸிபி சர்வர் – இது ஒரு கம்ப்யூட்டர் நெட்வொர்க்கில் உள்ள கணணிகளுக்கு, பிரத்யேகமாக ஒரு எண் குறியீடு வழங்க உதவும் ஒரு சேவை. அதிகமான கணணிகளைக்கொண்ட ஒரு நெட்வொர்க்கில், நாமாகவே தனித்தனியாக குறியீடு எண் வழங்கி நிறுவகிப்பது என்பது சிரமம். இந்த சேவை, அந்த எண் குறியீடு வேலையை எளிதாக்கும்.

8. ஸ்ட்ரீம் சர்வர் – இது ஆடியோ, வீடியோ (ஒலிநாடா மற்றும் அசையும் படம்) இவற்றை நம் தளத்தில் இருந்து அனைவரும் பெற வழிசெய்ய உதவும் ஒரு சேவை. சம்பந்தமான ஆடியோ, வீடியோ கோப்புகளை தளவிறக்கம் செய்யாமலே, நேரடியாக உங்கள் கணணியில் கேட்க, பார்க்க இந்த சேவை உதவுகிறது.

இந்த சேவைகள் அனைத்தையும் எங்கள் நிறுவனத்தின் சர்வரில் பொருத்தி, எங்கள் தேவைக்கேற்ப வெற்றிகரமாக நடத்திக்கொண்டு இருக்கிறேன். எங்கள் அலுவலுகம் சுமார் 200 கம்ப்யூட்டர்கள் கொண்ட ஒரு நெட்வொர்க். எனவே அனைத்து சர்வீஸ்களையும் ஒரே சர்வரில் பொறுத்தி நிருவகித்து வருகிறேன்.

இந்த சேவைகள் அனைத்தும் பற்றி தனித்தனியாக நேரம் கிடைக்கும்போது எழுதுகிறேன்.

லினிக்ஸ் (சில நேரங்களில் லைனக்ஸ் என்றும் உச்சரிக்கப்படுகிறது) ஒரு இயங்குதள மென்பொருள். (அதாவது ஆபெரடிங் சிஸ்டம் சாப்ட்வேர்). இந்த இயங்குதள மென்பொருள் பலவிதமான வன்பொருட்களில், அதாவது: டெஸ்க்டாப் கம்ப்யூட்டர், கைத்தொலைபேசி, வீடியோ கேம் கண்சோல், மெயின் ஃபிரேம் கம்ப்யூட்டர்கள், சூப்பர் கம்ப்யூட்டர் போன்ற பலதரப்பட்ட பிளாட்பாம்களில் உபயோகிக்கக்கூடிய ஒரு இலவச மென்பொருளாகும்.

1970 ஆம் ஆண்டில் யுனிக்ஸ் இயங்குதள மென்பொருள் பரவலாக உபயோகித்தல் இருந்த காலம். ஆனால், அதை விலை கொடுத்து வாங்கவேண்டிய நிலயில் இருந்தது. யுனிக்ஸ் ஒரு சர்வர் இயங்குதள மென்பொருளாக உபயோகத்தில் இருந்தது. இந்த தளத்தில், ஓரக்கில் என்ற தரவுத்தள (டேட்டாபேஸ்) மென்பொருள் கொண்டு பெரிய அளவில் டேட்டா மேனேஜ்மென்ட் செய்யப்பட்டு வந்தது. அந்தக்கால கட்டத்தில், இந்த இரண்டுமே எளிதில் எல்லோராலும் அளவளாவும் வகையில் இல்லை. அதிகம் கம்ப்யூட்டர் சம்பந்தமான அறிவு உடையவர்கள் மற்றும், இதில் தேர்ச்சிபெற்றவர்கள் மட்டுமே இந்த இரண்டு (யுனிக்ஸ் மற்றும் ஓரக்கில்) மென்பொருட்களில் சாமர்த்தியமாக வேலை செய்யமுடியும் என்ற நிலை இருந்தது. யுனிக்ஸ் தளத்தில் பரவலாக, சி லாங்குவேஜ் மூலம், தேவையான மென்பொருட்கள் உருவாக்கப்பட்டு வந்த காலம் அது. மேலும், யுனிக்ஸில் இன்றைய மைக்ரோசாப்ட் விண்டோஸ் தளத்தில் இருப்பதைப்போல் பலவிதமான, பலதரப்பட்ட மென்பொருட்கள், அன்றைய காலகட்டத்தில் இல்லை. ஆகையினால், யுனிக்ஸ் பெரிய கம்பெனிகள், மற்றும் அரசாங்க துறைகளில் மட்டுமே பயன்படுத்தப்பட்டு வந்தது.

1991 ஆம் ஆண்டு, லினஸ் தர்வல்ட்ஸ் என்பவர், யுனிக்ஸ் போல ஒரு இயங்குதள மென்பொருள் உருவாக்கியது, இன்று லினிக்ஸ் என்று, எல்லோராலும் பரவலாக உபயோகிக்கக்கூடிய, ஒரு பிரசித்திபெற்ற இயங்குதள மென்பொருளாக திகழ்கிறது! ஆரம்பத்தில், இதுவும் யுனிக்ஸ் போல, டெக்ஸ்ட் இன்டெர்ஃபேஸ் முறையில் கமாண்ட் கொடுத்து வேலை செய்யும் வகையில்தான் இருந்தது. ஆனால், படிப்படியாக முன்னேற்றம் அடைந்து, இன்று ஜி-யு-ஐ (கிராபிகள் யூசர் இன்டெர்ஃபேஸ்) மூலம், எளிதாக எல்லோராலும் உபயோகிக்க கூடியதாக இருக்கிறது.

லினிக்ஸ் பல்வேறு அடையாள பெயர்களில் இன்று திற மூல உரிமத்தின் அடிப்படையில் விநயோகிக்கப்படுகிறது. நீங்கள் இதை தம்தம் தளங்களில் இருந்து, பதிவிறக்கம் செய்து கொள்ளலாம். தற்காலத்தில், வெறும் இயங்குதளமாக மட்டுமல்லாமல், பல்வேறு இலவச மென்பொருட்கள் சேர்ந்து ஒரு கலக்ஷனாக, குறுந்தகடாகவும் வெளியிடபடுகிறது. டெபியன், ரெட் ஹேட், சுசி, மேண்ட்ரேக் (தற்போது மேன்றிவா என்று அறியப்படுகிறது), உபண்டு, பெடோரா என்பன, பொதுவாக பரவலான, லினிக்ஸ் வினியோகம் என்பது பலரும் அறிந்ததே! இந்த தளங்களில் வேலை செய்யக்கூடிய, பல இலவச மென்பொருட்கள் சோர்ஜ்ஃபோர்ஜ்.நெட் என்ற தளத்தில் இருந்து இலவசமாக நீங்கள் பெறலாம்!

மேலும் அதிக விபரங்களுக்கு, விக்கிபீடியா தளத்தில் இந்த கட்டுரையை பார்க்கவும்.

என் லினிக்ஸ் அனுபவம்

நான் யுனிக்ஸ் பற்றி தெரிந்து கொண்டது, 1990 ஆம் ஆண்டு. அப்போது எங்கள் துறையில் கணனியில் அதிகம் தேர்ச்சி பெற்றவர்கள் மிகவும் குறைவானோர். டெலிபோன் பில் கணணிமயமாக்கப் பட்ட தருணம். அடிமட்டத்திலிருந்து ஒழுங்காக சொந்த முயற்சியில் யுனிக்ஸ் பற்றி படித்து, ப்ராக்டிகலாக தெரிந்து கொண்டேன். சி லாங்குவேஜ் படித்ததும் இந்த நேரத்தில்தான். பேஸ் ஸ்ட்ராங்கா இருந்தா பில்டிங் வீக் ஆகுமா? 2000 ஆம் ஆண்டு, முதன்முதலாக லினிக்ஸ் இன்ஸ்டால் செய்தது, ரெட் ஹேட். எங்கள் துறையில் உள்ளவர்களை படிப்பறிவிப்பது என் தொழில். இதை எங்கள் துறையில் உள்ளவர்களுக்கு லினிக்ஸ் பற்றி ஒரு அறிமுக விளக்கம் மற்றும் செயல்முறை விளக்கம் கொடுப்பதற்காக செட்அப் செய்தேன். பிறகு, டெபியன் லினிக்ஸில் ஒரு சர்வர் செட்டப் செய்து, வெப்-சர்வீசஸ், எப்டிபி, பிஹெச்பி, மைஎஸ்க்யுஎல் பற்றி விளக்கும் வகையில் வேலை வந்தது. உபுண்டு லினிக்ஸ் என் மகனிற்கு அவனுடைய காலேஜ் தேவைக்கேற்ப செட்அப் செய்தேன். தற்போது சுசி லினிக்ஸ்ஸில் என் அலுவலக தேவைக்கேற்ப, செட்அப் செய்து, எங்கள் இன்டராநெட் தளத்தையும் நிருவகித்து வருகிறேன். யுனிக்ஸ் பற்றி அடிப்படை அறிவு இருந்ததால், ஒன்றில் இருந்து மற்றொன்றிற்கு மாறி மாறி வேலை செய்வது சுலபமாக இருந்து.

இந்த இன்டராநெட் வேலை காரணமாகவும், எங்கள் உள்விவகாரங்களில் பிஹெச்பி மற்றும் மைஎஸ்க்யுஎல் கொண்டு ஒரு ப்ரோக்ராம் செய்து, அன்றாட வேலைகளை துரிதப்படுத்தி, சிறப்பாக செயல்பட செய்யவேண்டிய காரணமாகவும், ஒரு ஆறு மாத காலமாக என்னால் இந்த தளத்தில் பல கட்டுரைகளை எழுதமுடியாது போயிற்று. இருப்பினும், அதுவும் ஒரு நல்லதிற்குத்தான். ஏனென்றால், அனுபவப்பூர்வமாக இந்த கட்டுரைகள் எழுத அது உபயோகமுள்ளதாக இருக்கிறது.

பொதுவாக லினிக்ஸ் பற்றி தெரிந்துகொள்ள வேண்டியது

எல்லாவகையான லினிக்ஸ் விநயோகமும், திற மூல உரிமைகள் அடிப்படையில் வெளியிடபடுகிறது. ஆகையினால், ஹெல்ப் டாகுமெண்ட்களை படித்து பலவிஷயங்களை தெரிந்துகொள்ள வேண்டும். அடிப்படையாக படித்து தெரிந்துகொள்ள ஆர்வமுடையவராக இருக்கவேண்டும்.  மைக்ரோசாப்ட் விண்டோஸ் பற்றி ஸ்டெப் பை ஸ்டெப் விளக்கம் தரும் தளங்களைப்போல பலபேர்கள் தங்கள் தளங்களில் லினிக்ஸ் பற்றி அடிப்படையாக விளக்கம் கொடுக்க மாட்டார்கள்.  ஒரு சில ஹின்ட் கொடுப்பார்கள்.  அதிலிருந்து தொற்றிக்கொண்டு, நாம் மேலே படித்து, முயற்சி செய்து, நம்முடைய பிரச்சினைகளை தீர்த்துக்கொள்ள வேண்டும்.

உங்களைப்போல் பல அனுபவம் உள்ளவர்கள் படிப்படியாக விளக்கங்கள் தரும் தளங்களை தமிழில் அமைத்து உதவ முன்வர வேண்டும். அல்லது என்னுடைய, கருத்து பரிமாற்றம் தளத்திற்கு அடிக்கடி விசிட் செய்து, மற்றவர்களுக்கு உதவுங்கள். இது என்னுடைய ஆசை மற்றும் வேண்டுகோள்.

1. எல்லாவிதமான லினிக்ஸ் விநயோகமும் ஒரேமாதிரியான கோப்பு மற்றும் அடைவு பெயர்களை கொண்டிருப்பதில்லை. எனவே, இதை முதலில் தெரிந்துகொள்ள வேண்டும்.

நீங்கள் ஒரு பிரச்சினைக்காக தீர்வு தேடும்போது, உங்கள் லினிக்ஸ் வினயோகதிற்கு தகுந்தவாறு இந்த அடைவு, கோப்பு பெயர்களை மாற்றிக்கொள்ள வேண்டியிருக்கும். இல்லையென்றால், ஒரு தளத்தில் நீங்கள் பார்க்கும் விடை உங்களுக்கு ஒத்துவராது என்று தோன்றும்.

2. ஒருவேளை, உங்கள் பிரச்சினைக்கு, மற்றொரு லினிக்ஸ் விநயோகத்தில் விடை கிடைத்தால், அடிப்படையாக அந்த (அல்லது அதுபோல) பிரச்சினையை எப்படி அணுகுவது என்று தெரிந்து கொண்டு, உங்கள் லினிக்ஸ் விநயோகத்தில் அந்த முறையை கையாண்டால் விடை கிடைக்க வாய்ப்பு இருக்கலாம்.

3. மிகவும் அடிப்படையாக கேள்வி கேட்டால் பலரும் அதற்கு பதில் அளிப்பதில்லை. ஏனென்றால், ரெடி டு யூஸ் போல விடை தேடுபவர்களை லினிக்ஸ் கம்யுநிட்டியில் யாரும் விரும்புவதில்லை. நீங்கள் ஏற்கனவே செய்த முயற்சிகள் மற்றும் அணுகுமுறையை விளக்கிச்சொன்னால், பலபேர்கள் உதவ முன்வருவார்கள். லினக்ஸ் வந்ததே பலரின் முயற்ச்சியில்தான்.

4. சிலவேளைகளில் ஒரு பிரச்சினைக்கு தீர்வு உடனடியாக கிடைக்கும். பல்வேறு சமயங்களில் பலநாட்கள் ஆனாலும் நீங்கள் எதிர்பார்த்த விடையோ, விளக்கமோ கிடைக்காமல் போகலாம். அதிகம் முயர்ச்சிக்க வேண்டியிருக்கும்.

5. சிலநேரங்களில் வெளியீடு எண் (வெர்ஷன் நம்பர்) வித்தியாசமானதாக இருந்தாலும், உங்கள் பிரச்சினைக்கு தீர்வு கிடைக்காது போகலாம். சிலநேரங்களில், சம்பந்தமான ஏனைய மென்பொருட்கள் உங்கள் கணணியில் பொருத்தப்பட்டு இருந்தால் மட்டுமே, அந்த தீர்வினை அடையமுடியும் என்றிருக்கும். இதையும் கவனத்தில் கொண்டு, உங்கள் அணுகுமுறை இருக்கவேண்டும்.

6. வேண்டிய மென்பொருட்களை தளவிறக்கம் செய்யும்போது, உங்கள் லினக்ஸ் வினயோகதிற்கு பொருத்தமானதா என்று சோதித்து முயற்சி செய்து பாருங்கள்.

7. லினிக்ஸ் ஒரு சர்வர் ஆபிரேடிங் சிஸ்டம் என்பதால், உங்கள் புகுபதிகை சரியாக இருக்கவேண்டும். கோப்பு மற்றும் அடைவு இவைகளின் உரிமை மீறும்போது சில வேலைகளை செய்ய முடியாது.

முதலில், உங்கள் பிரச்சினைக்கு, சம்பந்தமான லினிக்ஸ் விநியோக தளத்தில்,  விடை தேடி பாருங்கள்.  நீங்கள் தேடும் தீர்வு கிடைக்காத பட்சத்தில், கூகுளில் தேடிப்பாருங்கள்.  இப்படியாக பல்வேறுவிதமான கோணங்களில் ஆலோசனை செய்து, முயற்சிக்க வேண்டும். இதை கருத்தில்கொண்டு உங்கள் அணுகுமுறை இருக்கவேண்டும்.

இதன் தொடர்ச்சியாக பகுதி 2  ஐயும படிக்கவும்.

உங்களிடம் கூகிள் கணக்கு இருந்தால் போதும். இல்லையென்றால் இலவசமாக உருவாக்கி கொள்ளலாம். இந்த சேவையை உபயோகித்து 10 நிமிட நேர, 2 GB அளவிலான ஒரு வீடியோ கோப்பை உங்கள் கணணியில் இருந்து நேரடியாக யூட்யூப் தளத்திற்கு ஏற்றிக்கொள்ளலாம். மேலும், மின்னஞ்சல் அல்லது கைத்தொலைபேசி மூலமாகவும் ஏற்றிக்கொள்ளலாம்.

நீங்கள் அனுப்பும் வீடியோ கோப்பை உலகிலுள்ள அனைவருடனும் பகிர்ந்து கொள்ளலாமா அல்லது குறிப்பிட்ட நண்பர்கள் மற்றும் உறவினர்களுடன் மட்டும் பகிர்ந்து கொள்ளவேண்டுமா என்றும் உங்களால் தீர்மானிக்க முடியும்.

உங்கள் கணணியில் வெப் கேமரா இருந்தால், இதை உபயோகித்து எடுக்கப்பட்ட வீடியோ, கைத்தொலைபேசியில் எடுக்கப்பட்ட வீடியோ, கேம்கோடர் மூலமாக எடுக்கப்பட்ட வீடியோ என எந்த வகையிலான வீடியோக்கள் ஆனாலும் யூட்யூப் தளத்தில் ஏற்றிக்கொள்ள முடியும்.

இப்படியாக நீங்கள் தள ஏற்றம் செய்த வீடியோவை, உங்கள் தளத்தில் அல்லது மற்ற யாருடைய தளத்திலும் எம்பெட் செய்துகொள்ள முடியும். இத்தளத்தில், நான் கைத்தொலைபேசியிலிருந்து நேரடியாக என் யூட்யூப் கணக்கில் தள ஏற்றம் செய்த வீடியோவை எம்பெட் செய்துள்ளேன். இது நான் குடியிருக்கும் அடுக்குமாடி கட்டிடத்தில் இருந்து எடுக்கப்பட்ட ஒரு சாம்பிள்தான்.

இந்த சேவையை நல்ல செயலுக்கு பயன்படுத்தவும். நீங்கள் தள ஏற்றம் செய்யும் வீடியோ கோப்பு உங்களுடையதாக இருக்கவேண்டும். யாருடைய காப்புரிமையையும் மீறாது, வேண்டாத வம்பில் சிக்கிக்கொள்ளும் வேலைகளை செய்யாதீர்கள்!

உங்கள் வீடியோவை எத்தனை முறை பார்க்கப்பட்டது, யார்யார் உங்கள் வீடியோவில் விருப்பம் கொண்டு உங்களின் மற்றைய வீடியோக்களுக்கு ஆவலுடன் சந்தாதாரர் ஆகியுள்ளார், மற்றும் உங்கள் வீடியோ எந்த பகுதியில் பிரிக்கப்பட வேண்டும், மேலும் உங்கள் வீடியோவின் பல அம்சங்களை திருத்தி அமைப்பது என பல்வேறு அம்சங்கள் யூட்யூபில் உள்ளது.

யூட்யூப் பற்றி மேலும் பல்வேறு விஷயங்களை அதன் உதவி பக்கத்தில் தெரிந்துகொள்ளலாம்.

கூகிள், யாஹூ மற்றும் மைக்ரோசாப்ட் நிறுவனங்கள் ஒன்றுடன் ஒன்று போட்டி போட்டுக்கொண்டு இதுபோன்ற சேவைகளை இலவசமாக வழங்கி வருகின்றன. நமக்கு கொண்டாட்டம்தான். மேலும் பல கட்டுரைகளில், ஒவ்வொரு நிறுவனத்தின் சேவையை பற்றி ஒவ்வொன்றாக பார்க்கலாம். இது ஒரு அறிமுக கட்டுரை. முக்கியமான சில சேவைகள் பற்றி தனித்தனியாக வெவ்வேறு கட்டுரைகளில் பார்க்கலாம்.

இந்த சேவைகள் அனைத்தும், இணைய இணைப்பிலேயே இயங்கக்கூடிய சேவைகளாக இருப்பதால், உலகின் எந்த இடத்திலிருந்தும், இதை அணுகவும், பெறவும் முடியும்.

விண்டோஸ் லைவ் சேவைகளின் விபரங்கள்

இதைத்தவிர ஆபீஸ் லைவ் என்ற தளத்தில் உங்களின் எம்எஸ் ஆபீஸ் டாகுமெண்ட்களை சேமித்து, பார்க்க அல்லது பகிர்ந்து கொள்ளவும் ஒரு சேவை உள்ளது. 5 GB டிஸ்க் ஸ்பேஸ் இடமும் வழங்கபடுகிறது. நீங்கள் இந்த சேவை மூலம், இணையதளத்திலேயே உங்கள் வேர்ட், எக்ஸல் மற்றும் பவர்பாயிண்ட் கோப்புகளை பார்க்கலாம். ஆனால் எடிட் செய்ய முடியாது. இருந்ததாலும், உங்கள் கணணியில் எம்எஸ் ஆபீஸ் பொருத்தப்பட்டு இருந்தால், இந்த தளத்தில் ஒரு கோப்பை திருத்த வேண்டி சொடுக்கினால், நேரடியாக உங்கள் கணணியில் அந்த கோப்பு தள இறக்கப்பட்டு திருத்தும் வசதி உள்ளது.

This photo is send from my mobile phone to Flickr account. Testing how to send a photo to my Blog directly from mobile phone.

இந்த (என் வீட்டில் உள்ள தினசரி காலண்டர்) படம் என் கைத்தொலைபேசியிலிருந்து நேரடியாக என் வலைப்பதிவு தளத்திற்கு, யாஹூவின் பிலிக்கர் சேவைகள் மூலமாக, அனுப்பப்பட்டது.  பிலிக்கர் உதவி பக்கத்தில் இது பற்றி விபரம் உள்ளது.

இதற்கு, உங்கள் கைத்தொலைபேசியில், ஜிபிஆர்எஸ் என்ற இணையதளத்தில் இணைத்துக்கொள்ளும் வசதி இருக்கவேண்டும்.  நீங்கள் தொலைதொடர்பு சேவையை பெறும் நிறுவனத்தில் இருந்து, உங்கள் தொலைபேசி எண்ணுக்கு ஜிபிஆர்எஸ் சேவையையும் பெற்றுக்கொள்ள வேண்டும். ப்ளிக்கெரில் ஒரு கணக்கும் இருக்கவேண்டும். (உங்கள் கைத்தொலைபேசியில் கேமராவும் இருக்கவேண்டும்!)

இப்படியாக உங்கள் கைத்தொலைபேசியில் இருந்து தள ஏற்றம் செய்தபின், அந்த கட்டுரையை உங்களுக்கு வேண்டிய மாதிரி உங்கள் வலைப்பதிவு தளத்திற்குச் சென்று திருத்திக் கொள்ளலாம். (இந்த கட்டுரையில் நான் செய்திருப்பது போல, ஆங்கிலத்தில் உள்ள வாசகம் என் போனில் இருந்து நேரடியாக டைப் செய்தது. மற்றதெல்லாம் இந்த தளத்தில் வந்து நான் மாற்றியது.)

நீங்கள் அதிகமாக பிரயாணம் செய்பவர், அல்லது ஒரு சமூக ஆர்வலர் என்றால், நீங்கள் பார்க்கும் ஒரு நிகழ்ச்சி, சம்பவம், சமூக அவலங்கள் அல்லது பிடித்தது என எதைவேண்டுமானாலும் படம்பிடித்து உடனுக்குடன் சுடச்சுட உங்கள் தளத்தில் ஏற்றி அனைவரும் காணும்படி செய்ய, இந்த சேவை மிகவும் உபயோகமுள்ளது.

இந்த படம் நான் யாஹூவின் பிலிக்கர் தளத்தில் நேரத்தை போக்குவதற்கு, வெறுமனே உலாவிவரும்போது, கிடைத்த மிகவும் அழகான, துல்லியமான பூக்களின் படக்கற்று. இந்த படங்கள் நேரடியாக யாகூவின் பிலிக்கர் தளத்திலிருந்து வருகிறது.

நான் இதை காப்பி செய்யவில்லை, அதனால் காப்புரிமையையும் மீறவில்லை. மேலும், எல்லா படங்களை, என் தளத்தில் ஏற்றி அனாவசியமாக சேமிப்பு இடத்தையும் விரயமாக்கவில்லை. இந்த படம் என் தளத்திலிருந்து வரவில்லை என்பதால், என் தளப்போக்குவரத்தும் அவசிமில்லாமல் வீணாக்கப்படவில்லை.

இப்படியாக பல படங்களை நாம் ரசிப்பது, நம் ரசனையை மற்றவருடன் பகிர்ந்துகொள்ளவது மேலும், நம் படங்களின் தொகுப்பை சேமித்துவைத்து வேண்டியபோது மின்னஞ்சல் செய்வது, ஒரு வலைப்பதிவில் அனைவரும் லிங்க் செய்யும்படி செய்வது என பல்வேறு வகையில், யாஹூவின் பிலிக்கர் தளம் உபயோகமுள்ள, ஒரு சமூக தகவல் பரிமாற்றம் தொடர்பான தளம்.

நீங்கள் ஒரு புகைப்படம் எடுப்பவர் என்றால், உங்கள் படங்களை உலகத்திற்கு காட்டி, பலரின் அன்பையும் பாராட்டையும் பெறலாம்.

ஆனால் இந்த தளத்தில் இலவசமாக மாதம் 100 MB அளவிலான படங்கள்தான் சேமிக்கமுடியும். அதிகம் சேமிக்க மற்றும் பல வசதிகளுக்கு பிரிமியம் கணக்கு இருக்கவேண்டும். ஒரு வருடத்திற்கு 1000 ரூபாய் வரை செலவாகும். என்னைக்கேட்டால் இது மிகவும் அதிகமில்லை. ஏனென்றால், நீங்கள் கணக்கற்ற அளவில் போட்டோ மற்றும் வீடியோக்களை சேமித்து வைத்துகொள்ள முடியும். உலகத்தில் உள்ள அனைவர்க்கும் தனித்தனியாக அனுப்பி காட்டவேண்டியது அவசியமில்லை. உங்கள் சேமிப்பு தொடரை மட்டும் மின்னஞ்சல் செய்தால் போதும். அனைவரும், இந்த பிலிக்கர் தளத்தில் இருந்து, பார்க்க முடியும். யார்யார் பார்க்கலாம், பார்க்கக்கூடாது என நீங்கள் வரையறுக்கப்பட்டவர்கள் மட்டும்தான் பார்க்கமுடியும். உங்கள் பிள்ளைகள் அயல்நாடுகளில் வசித்து வந்தால், அவர்கள் பார்க்கும்படி, இந்த தளத்தில் உங்கள் போட்டோவை மற்றும் வீடியோக்களை சேமித்து, நண்பர்கள், உறவினர்கள் என்று அனைவரிடமும் பகிர்ந்து கொள்ளலாம்.

இங்கு இடதுபுறம் பார்க்கும் படங்கள், நான் எனக்குப்பிடித்தவை என சிலவற்றை, ஒரு ஸ்லைட்ஷோ போல பொருத்தியுள்ளேன்.

இந்த தளத்திலிருந்து, நேரடியாக ஒரு போட்டோவை நம் வலைப்பதிவு தளத்திலும் பதித்துக்கொள்ள முடியும். (இந்த கட்டுரையில் நான் செய்துள்ளது போல.)

விண்டோஸ் லைவ் பற்றி தனியாக ஒரு கட்டுரையில் பார்க்கலாம்.

டாட் ஹெச்டிஎம் அல்லது ஹெச்டிஎம்எல் என்ற எக்ஸ்டென்ஷனை கொண்டிருக்கும் ஃபையிலை ஸ்டேடிக் பேஜ் என்றும், டாட் பிஹெச்பி, டாட் ஏஎஸ்பி, டாட் பிஎல், டாட் சிஜிஐ, என பல்வேறு விதமான ஃபையிலை டைனமிக் பேஜ் என்றும் சொல்கிறோம். ஒரு இணையதளத்தின் இன்டெக்ஸ் பேஜ், ஸ்டேடிக் பேஜ் அல்லது டைனமிக் பேஜ் என்று எதுவாக வேண்டுமானாலும் இருக்கலாம். இதை வெப் சர்வர் மென்பொருளில் நம் விருப்பத்திற்கு தகுந்தவாறு நிறுவிக்கொள்ளலாம்.

ஸ்டேடிக் பேஜ் என்பது வெறும் ஹெச்டிஎம்எல் குறிகளால் உருவாக்கப்பட்ட ஒரு கோப்பு. இது நிலையானது (இந்த பக்கத்தை தயாரித்தவர் அதை மாற்றி அமைக்காத வரை). உலகத்தில் உள்ள அனைவரும் இந்தமாதிரியான ஒரு கோப்பை இணையத்தில் இருந்து பெறும்போது, இணைய உலவியால் ஒரேமாதிரியான விதத்தில் எல்லோராலும் பார்க்கப்படும். ஆனால், டைனமிக் பேஜ் ஹெச்டிஎம்எல் மற்றும் ஸ்க்ரிப்டிங் லேங்குவேஜ் குறிகளால் உருவாக்கப்பட்ட ஒரு கோப்பு. இது நிலையானதல்ல. உலகத்தில் உள்ள அனைவரும் இதை ஒரேமாதிரியாக பார்பதில்லை. உதாரணமாக, கூகுளில் தேடும்போது, உங்கள் மெயில் பாக்ஸில் மெயில் செக் செய்யும்போது, ஸ்டாக் மார்க்கெட் தளத்தை பார்க்கும்போது, என பல்வேறு தளங்களில், எல்லோராலும் ஒரேநேரத்தில் ஒருமாதிரியாக அதே பக்கம் பார்க்கப்படுவதில்லை.

இணைய உலவிகள், இயல்பாக பலவிதமான கோப்புகளை, அதாவது டெக்ஸ்ட், பிக்சர், சவுண்ட், விடியோ, ஹெச்டிஎம், ஹெச்டிஎம்எல் என்ற மாதிரியான கோப்புகளை காட்டும் திறன் படைத்தது.  இது எவ்வாறு சாத்தியமாகிறது என்றால், எம்ஐஎம்இ (மல்டிபர்பஸ் இன்டர்நெட் மெயில் எக்ஸ்டென்ஷன்) டைப் எனப்படும் குறியீடு மூலம்தான். ஒரு வெப் பேஜ் நமது கணணியில் உள்ள உலாவி கைக்கு கிடைக்கும்போது, இந்த குறியீடுகளை கண்டறிந்து, அதை காட்டமுடிகிறது. இதனால், டெக்ஸ்ட், பிக்சர், சவுண்ட், விடியோ போன்ற ஃபையில்களையும் இணைய உலாவியில் பார்க்கமுடியும். அப்படி இணைய உலவியால் காட்டமுடியாத ஒரு ஃபையில் இருந்தால் (அல்லது இணையதொடரில் வந்தால்), உடனே ப்ரௌசெர் என்ன செய்வது என்று அறியாமல், நமக்கு இந்த கோப்பை சேமிக்கவேண்டுமா என்று ஒரு “சேவ் டயலாக் பாக்ஸ்” சாளரத்தை காட்டுகிறது.

இணையதளத்தில் இருந்து நம் கணணிக்கு வரும் அணைத்து கோப்புகளும், வெப் சர்வர் வழியாகவே வழங்கப்படும்.  பொதுவாக இது ஸ்டேடிக் பேஜ்களுக்கு பொருந்தும். ஆனால், ஒரு டைனமிக் பேஜ் என்பது ஸ்கிரிப்ட் என்ஜின் எனப்படும் மென்பொருள் மூலம், வெப் சர்வர் வழியாக நம் கணணிக்கு வரும். இந்த டைனமிக் பேஜ் என்பது, ஹெச்டிஎம்எல் மற்றும் ஸ்க்ரிப்டிங் லேங்குவேஜ் குறிகளால் ஒரு கோப்பாக செர்வரில் சேமிக்கப்படும். நாம் இந்த மாதிரியான டைனமிக் பேஜ் ஒன்றை சொடுக்கி வேண்டும்போது, வெப் சர்வர் இந்த டைனமிக் கோப்பை, முதலில் எந்த ஸ்க்ரிப்டிங் என்ஜினுக்கு அனுப்பவேண்டும் என்று, அந்த கோப்பின் எக்ஸ்டென்ஷன் மூலம் கண்டறிந்து, அனுப்பி, அந்த என்ஜினில் இருந்து வரும் ஹெச்டிஎம்எல் கோப்பை நம் இணைய உலாவிக்கு கொடுக்கும். எனவே இவ்வாறாக கடைசியில் நம் இணைய உலாவிக்கு வரும் கோப்பு ஒரு ஹெச்டிஎம்எல் குறிகளை மட்டும் உள்ளடக்கியதாக இருக்கும். ஏனெனில், இணைய உலவியால், ஒரு டைனமிக் பக்கத்தை காட்டமுடியாது.

டைனமிக் பக்கங்களை உருவாக்க, ஸ்க்ரிப்டிங் லேங்குவேஜ் தெரிந்துகொள்ள வேண்டும். பொதுவாக, தரவுதள மென்பொருளும் வேண்டும். ஏனென்றால், டைனமிக் பக்கங்கள் ஒரு தரவுத்தளத்தில் உள்ள தரவுகளை நாம் கொடுக்கும் இன்புட் மேட்டருக்கு தகுந்தவாறு விசாரித்து அவுட்புட் செய்கிறது. ஒரு வெப் சர்வர் மென்பொருளும் அவசியம்.

ஒரு தரமான தளத்தில் பல அம்சங்கள் இருக்கவேண்டும்.

• தளத்தில் உள்ள எல்லா பக்கங்களும் ஒருப்போல அழகுபடுத்தி இருக்கவேண்டும். (முக்கியமாக தீம், டெம்ப்ளேட் மற்றும் சிஎஸ்எஸ் உதவியில்)
• பயனர்கள் பதிவு செய்யும் வசதி இருக்கவேண்டும் (டேட்டாபேஸ் உதவியில்)
• பதிவு செய்தவர்கள் மட்டும் பார்க்கும் பகுதி இருக்கவேண்டும் (ஸ்க்ரிப்ட் உதவியில் – டைனமிக் பக்கங்கள்)
• மெனு இருக்கவேண்டும் (ஜாவாஸ்கிரிப்ட், எக்ஸ்ஹெச்டிஎம்எல் உதவியில்)
• தளத்தில் பலவிதமான (வேண்டிய) இடங்களில் உள்ளடக்கத்தை காட்டும் வசதி இருக்கவேண்டும் (கண்டன்ட் பொசிஷநிங்)
• தொடர்புக்கான பக்கங்கள் இருக்கவேண்டும்
• வாக்கெடுப்பு வசதி இருக்கவேண்டும்
• விளம்பரம் செய்ய மற்றும் நிர்வாகம் செய்ய வசதி இருக்கவேண்டும்
• விருந்தினர் பக்கம் அல்லது கருத்துபெட்டி (கஸ்ட் புக் அல்லது சஜஷன் பாக்ஸ்) இருக்கவேண்டும்
• செய்திமடல் (நியூஸ்லெட்டர்) வசதி இருக்கவேண்டும்

இப்படியாக ஒரு நல்ல தளத்துக்கு பல்வேறு அடிப்படை குணாதிசயங்கள் இருக்கவேண்டும். இவை அனைத்தையும் ஒருவரோ அல்லது ஒரு குழுவோ செய்வதென்பது மிகவும் சிரமமான விஷயம். இதை எளிதில் செய்யவே தள நிர்வாக மென்பொருள் மிகவும் அவசியம். தள நிர்வாக மென்பொருள் மூலம் ஒரு தளத்தை நிர்வகிப்பதில் பல நன்மைகள் உள்ளது. மிகவும் முக்கியமானது, எளிய நிர்வாகம் – தரமான உள்ளடக்கம்! அதாவது, தள உள்ளடக்கத்தில் அதிக கவனமும் நேரமும் செலவழித்து, சிறப்பான தளம் அமைப்பது மற்றும் குறைந்த நேரத்தில் எளிதாக தள நிர்வாகம் செய்வது என்பது சாத்தியமாகும். கூகுளில் “பெஸ்ட் சிஎம்எஸ்” என்று தேடிப்பாருங்கள்! பல விடைகள் கிடைக்கும்.

ஒன்றுக்கொன்று எது நல்லது கெட்டது என ஆராயாமல், பொதுவாக தள நிர்வாக மென்பொருட்களில் என்னென குணாதிசயங்களை வைத்து தேர்ந்தெடுக்கவேண்டும் என பார்ப்போம். சிம்பிளா தள நிர்வாக மென்பொருளை தேர்ந்தெடுப்பது எப்படி என்ற கேள்விக்கு ஒப்புக்கொள்ளும்படியான பதில்கள் கீழேயுள்ள படி இருக்கவேண்டும்.

• ஒரு தள நிர்வாகம் என்பது வெறுமனே கட்டுரைகளை எடிட் செய்வது, அகற்றுவது, என்பது மட்டுமல்லாமல், கட்டுரை தொகுப்புகளை ஒரு அத்தியாதின் கீழ் பகுதி பகுதியாக பிரித்து அடுக்க, தேட, மேலும் அகற்றிய கட்டுரைகளை வேண்டுமென்றால் திரும்பப்பெற என பலவிதத்திலும் ஆர்கனைஸ் செய்யவும் வசதி இருக்கவேண்டும்.
• தள முகப்பு என்பது ஒரு தளத்தின் முக்கிய அம்சம். இந்த முகப்பு பக்கத்தை நிர்வகிக்கும் தன்மை இருக்கவேண்டும்.
• ஒரு தளத்தில், எல்லா பகுதிகளும் எல்லா பக்கங்களிலும் காட்டபடுவதில்லை. சில பகுதிகள் எல்லா பக்கங்களிலும் காட்டவேண்டும். இதுபோன்று, ஒரு தளத்தில் இடது, வலது, மேல், கீழ் என வேண்டிய இடங்களில் குறிப்பிட்ட பகுதியை, குறிப்பிட்ட பக்கத்தில் காட்டும் (பொசிஷநிங்) வசதி இருக்கவேண்டும்.
• பலவிதத்தில் நம் தள உள்ளடக்கத்தை தேடும் வசதி இருக்கவேண்டும்.
• பொதுவாக தள நிர்வாக மென்பொருளில், ஒரு எழுத்து தொகுப்பான் (டெக்ஸ்ட் எடிட்டர்) இருக்கும். இது வைசிவிக் எடிட்டராக இருக்கும். இது சில லிமிடெட் வசதியுடன் இல்லாமலும், வேண்டுமென்றால் வேறு ஒரு எடிட்டரை பொருத்திக்கொள்ளும் வசதியுடனும் இருக்கவேண்டும்.
• ஒரு தளம் பிக்சர், ஆடியோ, வீடியோ, பிடிஎப், பிளாஷ், வேர்ட் என பல்வேறு கோப்புகளை கொண்டிருக்கும். இவைகளை பராமரிக்கும் வகையிலும், மற்றும் தளவேற்றம், தளவிறக்கம் செய்யவும் வசதியும் இருக்கவேண்டும். இதை ரிசோர்ஸ் மேனேஜ்மெண்ட் என்பர்.
• ஒரு பெரிய தளத்தை ஒரு தனிநபர் நிருவகிப்பதில்லை மற்றும் ஒருவரே எல்லா தள உள்ளடக்கத்தையும் உருவாக்குவதில்லை. பல நிலையில் பல்வேறு உரிமைகள் அடிப்படையில், பதிவு செய்த பயனர்கள் சேர்ந்து ஒரு குழுவாக ஒரு தளத்தை நிருவகிக்கும் வசதியும் இருக்கவேண்டும். இதை கொலாபரேட்டட் சைட் மேனேஜ்மெண்ட் என்பர்.
• தள நிர்வாக மென்பொருள் அடிப்படையில் பல வசதிகளை கொண்டிருந்தாலும், வேண்டிய மாதிரி வசதிகளை நீட்டிக்கொண்டு போக, நீட்சிகள் எனப்படும் ஆட்-ஆண் அல்லது எக்ஸ்டென்ஷன்களை பொருத்திக்கொள்ளும் தன்மையை கொண்டிருக்கவேண்டும்.
• ஆங்கிலத்தில் மட்டுமல்லாமல் வேறு மொழிகளிலும் தள உள்ளடக்கம் செய்யும், நிருவகிக்கும் தன்மை இருக்கவேண்டும்.

தள நிர்வாக மென்பொருள் தளத்திற்க்கு சென்று, அதிகப்படியான நீட்சிகள் உள்ளனவா, விவரமான உதவி பக்கங்கள் உள்ளனவா, கருத்துமன்றம் அல்லது கருத்துக்களம் (forum) உள்ளனவா, மேலும் நீங்கள் தேர்வு செய்யப்போகும் மென்பொருளை பற்றி இணையத்தில் விமர்சனங்கள் உள்ளனவா, என பலவகையில் ஆராய்ந்து தேர்வு செய்வது நல்லது.

தள நிர்வாக மென்பொருள் அடிப்படையாக எந்த மென்பொருளில் உருவாக்கி இயக்கபடுகிறது என்பதும் அவசியமான, ஆலோசிக்கப்பட வேண்டிய ஒன்று. பொதுவாக எல்லாமே திறமூல உரிமத்தில் வழங்கப்படும் பிஹெச்பி ஸ்க்ரிப்டிங் லேங்குவேஜ் மற்றும் மைஎஸ்க்யுஎல் தரவுதளம் என்ற கூட்டினைப்பிலேயே இருக்கின்றது. ஜோம்லாவும் விதிவிலக்கல்ல.

நான் ஜூம்லாவை தேர்வு செய்துள்ளேன், மற்றும் ஜூம்லாவில் கடந்த ஐந்து ஆண்டுகளாக ஓரளவிற்கு தேர்ச்சி பெற்றுள்ளேன். ஜோம்லாவில் ஒரு மாதிரி தளமும் நிறுவியுள்ளேன். பிரத்யேக காரணங்கள் ஒன்றுமில்லை. இதில் ஆரம்பித்து, ஸ்திரமாக இதிலேயே இருந்துவிட்டேன். மற்றவைகளுக்கு தாவ குறிப்பிடும்படியான காரணங்கள் இல்லை.

மூன்று விதத்தில் ஒரு தளம் அமைக்கலாம் என அறிந்துகொண்டோம் அல்லவா! அதில் முதலாவதாக “சொந்தமாக தளம் அமைப்பது” என்று சொல்லியிருந்தேன். அதைப்பற்றி இப்போது பார்ப்போம்.

சொந்தமாக ஒரு தளம் உருவாக்குவதற்கு எக்கச்சக்கமான செலவாகும் என்று கூறியிருந்தேன். ஏனென்றால் எல்லா உபகரணங்களையும், கணணி சாதனங்களையும், தொழில்நுட்ப நிபுணர்களின் சேவைகளுக்கு ஆகும் செலவையும், கூட்டிக்கழித்துப் பார்த்தால், நான் சொல்வது சரி என்று ஒத்துக்கொள்வீர்கள்.

வன்பொருள்:

1. மோடம் – இணைய சேவை வழங்குவோர் இடத்திலிருந்து உங்கள் இடத்தை இணைக்க.
2. மீடியா – வயர் அல்லது வயர்லெஸ் (இணைய சேவை வழங்குவோர் இடத்திலிருந்து உங்கள் இடத்தை இணைக்க).
3. ரௌட்டர் – உங்கள் நெட்வொர்க்கையும் இணைய சேவை வழங்குவோர் நெட்வொர்க்கையும் இணைக்க.
4. சர்வர் மற்றும் வேண்டிய அளவு கணணிகள் – சேவை வழங்க மற்றும் நிர்வகிக்க.
5. ஹப் மற்றும் கேபிள்கள் – லோக்கல் ஏரியா நெட்வொர்க் அமைக்க.
6. யுபிஎஸ் – தடையில்லாத மின்சார வசதிக்காக உங்கள் நெட்வொர்க் அளவிற்கு தகுந்தவாறு.
7. தளப்பெயர் – உங்களுக்கு என ஒன்று அல்லது அதற்குமேலாக தேவைக்கேற்ப.
8. 24 மணிநேர இணைய இணைப்பு மற்றும் ஐபி நம்பர்கள் – இணைய சேவை வழங்குவோரிடம் இருந்து பெறவேண்டும். அதிக பேண்ட்விட்த் என்றால் அதிக செலவாகும்.

என அனைத்தும் சேர்த்து லட்சக்கணக்கில் ஆகிவிடும்.

மென்பொருள்:

1. சர்வர் ஆபெரேடிங் சிஸ்டம் – லினக்ஸ் என்றால் இலவசம், விண்டோஸ் என்றால் செலவாகும்
2. வெப் சர்வர் – அப்பாச்சி அல்லது ஐஐஎஸ் (இரண்டுமே இலவசம் ஆனால், ஐஐஎஸ் விண்டோஸ் இயங்குதளத்துடன் வருவது)
3. மெயில் சர்வர் – மின்னஞ்சல் சேவை வழங்க (பல இலவச மென்பொருட்கள் கிடைக்கும், உதாரணமாக ஸ்குரில் மெயில்)
4. டேட்டாபேஸ் – மைஎஸ்க்யுஎல் என்றால் இலவசம், ஓரகில் என்றால் செலவாகும்
5. ஸ்கிரிப்ட் என்ஜின் – ஏஎஸ்பி, பிஹெச்பி, ஜேஎஸ்பி, பேர்ல் என பல்வேறு மென்பொருட்கள் இலவசமாக கிடைக்கும்

உள்ளடக்கம் மற்றும் நிர்வாகம்:

இதுபோல, தேவையான அனைத்து மென்பொருள்களும் பொதுவாக இலவசமாகவே கிடைக்கக்கூடும்.எனவே மென்பொருள் செலவு மிகவும் குறைவுதான். ஆனாலும், இப்படியாக தேவையான எல்லா மென்பொருளையும் ஒருங்கிணைத்து வேலைசெய்ய வைப்பது, ஒன்றுடன் ஒன்று இடறாமல் பராமரிப்பது, மற்றும் அவ்வப்போது அப்டேட் செய்வது என்பது எளிதல்ல. இதற்கு தொழில்நுட்ப நிபுணர்களின் சேவையை நாடவேண்டும். அதற்குறிய செலவையும் கணக்கில் எடுத்துக்கொள்ள வேண்டும். இது ஒரு நிரந்தர செலவு.

இதுவரை கூறியது வெறும் இணையதளம் அமைப்பதற்கு மட்டும்தான். ஒரு இணையதளம் ஏதாவதொரு விஷயத்தை, பொருளை உள்ளடக்கியதாக இருக்கவேண்டும். ஒரு தளத்தின் அளவைப்பொருத்து, இந்த தள-உள்ளடக்கம் உருவாக்குவது, மாற்றி அமைப்பது, நிர்வகிப்பது என பல வேலைகளுக்கு நாம் தொழில்நுட்ப நிபுணர்களின் சேவையை நாடவேண்டிய அவசியமுள்ளது. இதுவும் ஒரு நிரந்தர செலவு.

பிளாஷ், பிக்சர் எடிட்டிங், டேட்டாபேஸ் மேநேஜ்மென்ட், ஸ்க்ரிப்டிங் என பல்வேறு துறைசார்ந்தோரை அணுகவேண்டும். எல்லாமே நம்மால் செய்யமுடியும் என்பது இயல்பில் முடியாத காரியம் என்பது உணரவேண்டிய ஒன்று. இவ்வளவும் ஒரு தனிநபர் செய்யும் வேலைகள் அல்ல. ஒரு நிறுவனம், பல பணியாளர்களை வைத்து வியாபார ரீதியாக நடத்தக்கூடிய ஒரு பிசினஸ். இப்படிப்பட்ட ஒரு நிறுவனம், கட்டணத்தொகை அடிப்படையில், ஹோஸ்டிங் சேவையை வழங்கி, தனிநபருக்கு, சிறுதொழில் புரிவோருக்கு உதவியாக இருக்கிறார்கள்.

எனவே, ஒரு நிறுவனம்தான் இதுபோன்ற முறையில், பல ஊழியர்களை வேலைக்கு அமர்த்தி சிறப்பாக ஒரு தளம் அமைத்துக்கொள்ள முடியும்.